Newid Popeth – Ysgrifennu’r Hinsawdd

“I don’t understand why it’s called Climate Change. It should be called Everything Change.” – Margaret Atwood

Nawr yn fwy nag erioed, mae awduron yn mynd i’r afael â thrychineb cynyddol yr Argyfwng Hinsawdd ac Ecolegol trwy lens greadigol a ffuglen. Wrth i dywydd eithafol ddominyddu naratifau ledled y byd, mae nifer cynyddol o gymunedau’n cael eu dadleoli a rhywogaethau’n diflannu ar raddfa nas gwelwyd o’r blaen, mae’r Argyfwng Hinsawdd ac Ecolegol wedi dod yn her epig i’w goresgyn ac yn ffynhonnell gyfoethog o gyfle a dyfeisgarwch yn ein bywydau bob dydd, ac yn gynyddol, yn ein llenyddiaeth.

Trwy farddoniaeth, ffuglen a sgript, bydd y cwrs aml-genre hwn yn cwestiynu rôl awdur yng nghyd-destun yr Argyfwng Hinsawdd ac Ecolegol. Sut ydyn ni’n cynrychioli cymhlethdodau aml-haenog yr argyfwng yn ein hysgrifennu creadigol? Pam ddylem ni? I ba raddau y gall ysgrifennu ysbrydoli newid parhaol a’n helpu i fynd i’r afael ag anghyfiawnder? Sut mae parhau i siarad am obaith mewn cyfnod o anobaith? Trwy weithdai dwys, tiwtora un-i-un ac amser i ysgrifennu a chreu yn amgylchoedd godidog Tŷ Newydd, bydd y cwrs yn eich cefnogi i fireinio a golygu eich ysgrifennu a darganfod eich llais ar draws amrywiaeth o genres.

Mae’r cwrs hwn yn croesawu awduron profiadol a newydd fel ei gilydd. Rydym hefyd yn croesawu’r rhai sydd eisoes yn ystyried yr Argyfwng Hinsawdd fel thema ganolog yn eu hysgrifennu ochr yn ochr â’r rhai sydd newydd ddechrau ei archwilio fel pwnc creadigol. Bydd yr awduron arobryn a’r tiwtoriaid profiadol, Isabel Galleymore ac Owen Sheers, yn cynorthwyo’ch meddwl a’ch prosesau creadigol wrth i chi ddysgu mynegi eich teimladau a’ch syniadau ar y pwnc hollbwysig hwn sy’n effeithio ar bob un ohonom, a’r cenedlaethau sydd i ddod.