Encil Di-diwtor yr haf

Dyma gyfle i ddianc rhag prysurdeb bywyd bob dydd i noddfa greadigol – i’r lleoliad heddychlon hwnnw lle gallwch fynd i orffen ysgrifennu eich nofel, neu darllen a synfyfyrio efallai? Bydd ein hencilion, o fewn awyrgylch prydferth Tŷ Newydd rhwng y môr a’r mynyddoedd, yn cynnig y ddihangfa berffaith i chi. Gallwch fynd am dro ar hyd y Lôn Goed, cerdded i’r traeth i chwilio am ysbrydoliaeth, a rhannu syniadau dros swper gyda’ch cyd-letywyr. Bydd pawb â’i ystafell ei hun – a bydd prydau bwyd cartref yn cael eu paratoi ar eich cyfer.

Am flas o goginio Tony (ein cogydd preswyl) cliciwch yma.

Mae ein encilion, sydd wedi eu harlwyo yn llawn, hefyd yn rhoi amser a gofod i chi ysgrifennu, darllen ac ymlacio. Wedi’i leoli mewn lleoliad heddychlon yn amgylchedd godidog gogledd-orllewin Cymru, cewch eich ysbrydoli gan y golygfeydd godidog o’r môr dros Fae Ceredigion, rhannu syniadau dros swper neu gael hoe ac ymlacio yn llyfrgell glyd Tŷ Newydd.

Mae’r encil hwn yn rhan o’n cyfres o encilion tymhorol di-diwtor sy’n cael eu cynnal yn ystod gwanwyn, haf a hydref 2025. Bydd awduron sy’n archebu lle ar ddau encil di-diwtor yn elwa o ostyngiad o 15% tra bydd awduron sy’n archebu lle ar y tri yn elwa o ostyngiad o 30% ar eu harcheb. I fanteisio ar y gostyngiad hwn, ychwanegwch ddau neu fwy o encilion di-diwtor i’ch basged ac ychwanegwch y cod, ‘2encil’ os yn archebu dau, neu ‘3encil’ os yn archebu tri, wrth dalu.

Bwrsariaethau

Mae un ysgoloriaeth gwerth £150 ar gael ar gyfer y cwrs hwn. I ymgeisio, cwblhewch y ffurflen gais yma.

Dyddiad cau ar gyfer ceisiadau: Dydd Mercher 4 Mehefin 2025.

Am ragor o wybodaeth ynglŷn â’r gefnogaeth sydd ar gael, ewch i’n tudalen Cymorth Ariannol: https://www.tynewydd.cymru/cyrsiau-ac-encilion/cymorth-ariannol/