Encil dan ofal Mentor: Torri tir newydd gyda eich ffuglen fer

Ydych chi’n chwilio am gyfeiriad neu posibiliadau newydd gyda’ch ffuglen fer? Neu a ydych chi eisiau mireinio’ch testun a thyfu’n fwy beiddgar yn eich ysgrifennu? Mae’r encil hwn dan ofal mentor yn gyfle unigryw i dreulio amser yn canolbwyntio ar eich ffuglen gyda chymorth ysbrydoledig ac ymarferol (trwy gydol yr wythnos) wedi’i deilwra i’ch anghenion unigol gan yr awdur a’r mentor profiadol, Cynan Jones.

Cyn y cwrs, fe’ch gwahoddir i gyflwyno hyd at 5,000 o eiriau a gaiff eu darllen gan eich mentor preswyl. Yn ystod yr wythnos, byddwch yn elwa o ddau diwtorial un-wrth-un 30 munud o hyd i drafod eich darn a gyflwynwyd ac unrhyw gwestiynau allweddol sydd gennych. Byddwch hefyd yn cael eich gwahodd i fynychu gweithdai grŵp byr, dwys i drafod y broses, strwythur ac elfennau hanfodol eraill o ffuglen fer. Byddwch hefyd yn cael cyfle i wrando ar ddarlleniad a sesiwn holi ac ateb gyda Cynan a noson yng nghwmni’r darllenydd gwadd, Megan Barker, sy’n adnabyddus am ei gwreiddioldeb ac am ysgrifennu’n groes i’r graen. Yn olaf, trefnir mynediad arbennig at asiant llenyddol clodwiw, Lucy Luck (Asiantaeth C&W) trwy sesiwn holi ac ateb digidol lle gallwch ofyn eich holl gwestiynau sy’n ymwneud â’r diwydiant.

Oddeutu mis ar ôl y cwrs, cewch gyfle i ailgyflwyno gwaith i Cynan a chyfarfod eto am diwtorial ar-lein i drafod eich cynnydd, y camau nesaf, ac i’ch helpu i barhau i adeiladu llwybr creadigol a phroffesiynol cynaliadwy.