Magwyd Siân Melangell Dafydd ar droed y Berwyn, lle mae wedi dychwelyd er iddi fyw a gweithio yn yr Eidal mewn orielau, ac yn Ffrainc ym Mhrifysgol America, Paris. Siân yw awdur Y Trydydd Peth (Gwasg Gomer, 2009), enillydd Medal Ryddiaith Eisteddfod 2009 a chyd-olygydd olaf y cylchgrawn llenyddol eiconig, Taliesin. Mae’n gweithio’n ddiwyd â beirdd o’r India ac ar ymchwil doethuriaeth yn defnyddio yoga ac ysgrifennu fel ymarferion cyfochrog creadigol. Cyhoeddwyd ei nofel ddiweddaraf, Filò (Gwasg Gomer), yng ngaeaf 2019.
Dihangfa Di-Dechnoleg: Diffodd y Ffôn i Ddeffro’r Awen
Llu 10 Mawrth 2025 - Gwe 14 Mawrth 2025
Tiwtor
/ Siân Melangell Dafydd
Ffi’r Cwrs
/
O
£525 - £625
y pen
Genres
/ BarddoniaethFfeithiolFfuglenIechyd a LlesNaturyoga
Iaith
/ CymraegDwyieithogSaesneg
Ymunwch â ni ar gyfer dihangfa dawel wythnos o hyd ble byddwch chi’n cael eich annog i ddad-blygio o’r byd digidol wrth i chi adael sgriniau, WiFi a sgrolio diddiwedd. Bydd yr encil hwn yn cael ei arwain gan yr awdur arobryn a’r ymarferydd yoga ardystiedig Siân Melangell Dafydd, ac yn cynnig seibiant, i ffwrdd o holl brysurdeb ein bywydau cyflym ac yn cynnig lle i ddatgysylltu o’r digidol ac i ailgysylltu â’ch ysgrifennu. Mewn awyrgylch tawel, cefnogol a diogel byddwch yn darganfod persbectif newydd ar eich gwaith creadigol a bwriad newydd ar gyfer eich prosiectau. Wedi’i leoli mewn llecyn heddychlon yng nghanol llonyddwch gorffenedig Eifionydd, cewch hefyd eich ysbrydoli gan y golygfeydd godidog o’r môr dros Fae Ceredigion, dyfroedd bywiog afon Dwyfor a’r bywyd gwyllt amrywiol sydd i’w ganfod rhwng y môr a’r mynydd.
Bydd gwahoddiad i chi ymuno mewn dau weithdy ysgrifennu creadigol dan arweiniad eich tiwtor, gan gynnig cyfle i feithrin eich creadigrwydd, ochr yn ochr â sesiynau yoga adferol (dewisol) a sesiynau un-i-un wedi’i teilwra at eich anghenion penodol.
Edrychwn ymlaen at eich croesawu i Dŷ Newydd am wythnos o ddiffodd, dod o hyd i heddwch ac ailddarganfod eich hun a’ch gwaith ysgrifennu.
Bwrsariaethau
Mae un ysgoloriaeth gwerth £250 ar gael ar gyfer y cwrs hwn. I ymgeisio, cwblhewch y ffurflen gais yma. Dyddiad cau ar gyfer ceisiadau: Dydd Gwener 17 Ionawr 2025
Am ragor o wybodaeth ynglŷn â’r gefnogaeth sydd ar gael, ewch i’n tudalen Cymorth Ariannol: https://www.tynewydd.cymru/cyrsiau-ac-encilion/cymorth-ariannol/
Tiwtor
