Mae Aliette de Bodard yn ysgrifennu ffuglen ddamcaniaethol: mae hi wedi ennill tair Gwobr Nebula, Gwobr Ignyte, Gwobr Locus a phum Gwobr Cymdeithas Ffuglen Wyddoniaeth Prydain. Hi yw awdur y llyfr rhamant lesbiaidd gofod-ladron, The Red Scholar's Wake (Gollancz/JABberwocky Literary Agency, Inc, 2022), ac Of Charms, Ghosts and Grievances (JABberwocky Literary Agency, Inc, 2022), sy’n nofel ffantasi o foesau a llofruddiaethau wedi’i gosod yn llys Fietnameg eiledol o'r 19eg ganrif. Mae hi'n byw ym Mharis.
Cwrs Digidol: Ffuglen Wyddonol a Ffantasi
Maw 14 Tachwedd 2023 - Maw 12 Rhagfyr 2023
Tiwtoriaid
/ Aliette de Bodard & Alastair Reynolds
Ffi’r Cwrs
/
O
£
y pen
Iaith
/ Saesneg
** LLAWN **
Os hoffech cael eich ychwanegu i’n rhestr aros, ebostiwch: tynewydd@llenyddiaethcymru.org
Cynhelir y cwrs digidol hwn dros gyfres o bedair sesiwn ar:
Nos Fawrth 14 Tachwedd, nos Fawrth 21 Tachwedd, nos Fawrth 28 Tachwedd a nos Fawrth 12 Rhagfyr 2023 rhwng 7.00 – 8.30 pm
Dros bedair sesiwn ar-lein bydd Aliette ac Alastair yn mynd i’r afael â’r heriau a’r cyfleoedd rhyfedd sydd ar gael i unrhyw un sy’n dymuno ysgrifennu ffuglen wyddonol, ffantasi neu eu genres cysylltiedig. Gan dynnu ar eu profiadau eu hunain ar draws ystod o arddulliau a fformatau llenyddol, o straeon byrion i nofelau a chyfresi estynedig, bydd y cwrs digidol hwn yn mynd i’r afael â mecaneg crefftio stori, o gynllunio a phlotio, i ddefnyddio llais a safbwynt, lleoliad a naws. Byddwch hefyd yn mynd i’r afael â heriau unigryw adeiladu byd o fewn llenyddiaethau hudol fel hyn, o’r defnydd o iaith i feithrin amser a lle, i ddyfeisio systemau cymdeithasol a thechnolegau’r dyfodol pell, a sut mae gwneud i’r creadigaethau hynny ymddangos yn real i’ch darllenwyr. Bydd y tiwtoriaid yn cyflwyno’r gwahanol gamau ysgrifennu, o ddrafftiau cychwynnol i chwynnu a mireinio, sut i baratoi gwaith i’w gyflwyno, a sut i wneud y gorau o’r farchnad lenyddol, o leoliadau traddodiadol i’r byd ar-lein a hunan-gyhoeddi. Daw’r tiwtoriaid â phrofiad amhrisiadwy mewn datrys problemau: sut i ganfod syniadau, sut i ganfod eich awen greadigol, sut i wella stori dda – ac yn bwysicach oll, sut i ddod o hyd i hwyl a boddhad yn eich crefft, lle bynnag y bo’i angen. Mae’r dyfodol yn aros!
Tiwtoriaid
Aliette de Bodard
Alastair Reynolds
Ganed Alastair Reynolds yn y Barri ym 1966. Astudiodd seryddiaeth ym mhrifysgolion Newcastle a St Andrews cyn teithio i’r Iseldiroedd i weithio i Asiantaeth Ofod Ewrop. Daeth yn awdur llawn amser yn 2004, ychydig flynyddoedd ar ôl cyhoeddi ei nofel gyntaf, Revelation Space (Gollancz, 2000). Erbyn hyn mae wedi ysgrifennu dros 20 o nofelau a mwy na 70 o straeon byrion. Mae ei straeon wedi eu haddasu ar gyfer y llwyfan a’r sgrin. Mae wedi cael ei enwebu ar gyfer gwobrau Arthur C Clarke a Hugo, ac wedi ennill gwobr Cymdeithas Ffuglen Wyddoniaeth Prydain, gwobr Locus, gwobrau Sidewise, Seiun a Ffuglen Wyddonol Ewropeaidd. Dychwelodd i Gymru yn 2007 ac mae bellach yn byw gyda'i wraig yng Nghwm Cynon. Y tu hwnt i ysgrifennu a gwyddoniaeth, mae ei ddiddordebau yn cynnwys rhedeg a cherddoriaeth. Ei nofel ddiweddaraf yw Eversion (Orion, 2022).