Cafodd CJ Cooke, a adnabyddir fel Carolyn Jess-Cooke yn ogystal, ei magu ar ystâd cyngor ym Melffast, Gogledd Iwerddon, yn ystod cyfnod cythryblus y Trafferthion. Ers hynny, mae hi wedi cyhoeddi 16 o lyfrau mewn 23 o ieithoedd ac wedi ennill nifer o wobrau, gan gynnwys Gwobr Eric Gregory gan Gymdeithas yr Awduron, Gwobr Tyrone Guthrie, Gwobr K Blundell, ac mae hi wedi ennill Gwobr Northern Writer’s Award deirgwaith. Yn 2011, cyhoeddwyd ei nofel gyntaf, The Guardian Angel's Journal, gan Little, Brown. Roedd y nofel yn lwyddiannus ar raddfa ryngwladol. Mae ei hail nofel, The Boy Who Could See Demons (Little, Brown, 2012), yn glasur cwlt. Cyhoeddwyd ei chweched nofel, The Lighthouse Witches (HarperCollins) ym mis Hydref 2021, ac roedd yn Llyfr y Mis Indigo, Llyfr y Flwyddyn Llyfrgell Gyhoeddus Efrog Newydd ac fe'i enwebwyd ar gyfer Gwobr Edgar gan Mystery Writers of America a Gwobr Thriller ITW yn 2022. Cyn hir, bydd yn gyfres deledu flaenllaw a gynhyrchir gan StudioCanal a The Picture Company. A Haunting in the Arctic (HarperCollins) yw ei nofel ddiweddaraf a chafodd ei gyhoeddi ym mis Hydref 2023. Nawr yn Ddarlithydd mewn Ysgrifennu Creadigol ym Mhrifysgol Glasgow, mae hi hefyd yn ymchwilio mewn i ffyrdd y gall ysgrifennu creadigol helpu gyda thrawma ac iechyd meddwl. Trwy gydol 2013-18 bu'n cyfarwyddo prosiect Writing Motherhood, a oedd yn archwilio effaith bod yn fam ar ysgrifennu menywod. Hi hefyd yw sylfaenydd a chyfarwyddwr y Stay-at-Home! Gŵyl Lenyddol, sy'n ymroddedig i ddarparu ffyrdd hygyrch, cynhwysol ac eco-gyfeillgar i bobl gael mynediad i lenyddiaeth.
Ffuglen Hanesyddol: Ymchwilio, ysgrifennu, cyflwyno
Mae ffuglen hanesyddol yn parhau i swyno darllenwyr – gan gynnig dihangfa i’r gorffennol tra hefyd yn taflu goleuni ar y presennol. Ymunwch â’r awduron arobryn, C J Cooke ac Abir Mukherjee i archwilio byd gafaelgar a phoblogaidd nofelau hanesyddol. Yn ystod yr wythnos, byddwch chi’n teithio’n ôl mewn amser ac yn dod o hyd i ysbrydoliaeth gan bobl a digwyddiadau go iawn yn ogystal â byd y ffantasi a’r gothig. Cewch eich ysbrydoli gan leoliad hanesyddol Tŷ Newydd, adeilad rhestredig Gradd II* sy’n dyddio’n ôl i’r bymthegfed ganrif, wrth i chi ffurfio cymuned gefnogol o gyd-awduron ffuglen hanesyddol fydd yn parhau ymhell ar ôl yr wythnos.
P’un a ydych yn bwriadu datblygu darn newydd o waith ffuglen, neu’n teimlo’n angerddol dros stori unigolyn neu ddigwyddiad hanesyddol, bydd y tiwtoriaid yn eich arwain drwy’r camau i gyd- o’r gwaith ymchwil cychwynnol hyd at eich drafft olaf. Ar ba bwynt mae eich ymchwil wedi’i gwblhau? Sut ydych chi’n cyfleu cyfnod a lleoliad? Sut ydych chi’n troi ffigyrau hanesyddol yn gymeriadau credadwy, ac yn ailffurfio llinellau amser mewn i naratif afaelgar? Trwy weithdai grŵp a thiwtorialau un i un, cewch eich annog i ystyried i ba raddau y mae gan awduron y drwydded i ail-ddychmygu hanes a’r gwahaniaethau allweddol rhwng ffeithiau hanesyddol a ffuglen. Byddwch yn magu hyder yn eich ysgrifennu ac yn datblygu sgiliau a thechnegau newydd a fydd yn eich galluogi i adrodd hanes o bersbectif unigryw eich hun.
Bwrsariaethau
Mae un ysgoloriaeth gwerth £250 ar gael ar gyfer y cwrs hwn. I ymgeisio, cwblhewch y ffurflen gais yma.
Dyddiad cau ar gyfer ceisiadau: Dydd Mercher 27 Awst 2025
Am ragor o wybodaeth ynglŷn â’r gefnogaeth sydd ar gael, ewch i’n tudalen Cymorth Ariannol: https://www.tynewydd.cymru/cyrsiau-ac-encilion/cymorth-ariannol/
Tiwtoriaid
Carolyn Jess-Cooke
Abir Mukherjee
Abir Mukherjee yw awdur poblogaidd cyfres Wyndham & Banerjee (Vintage Publishing), nofelau trosedd wedi'u gosod yn India yn ystod cyfnod y Raj sydd wedi gwerthu dros 400,000 o gopïau ledled y byd ac wedi'u cyfieithu mewn i 15 iaith. Mae ei lyfrau wedi ennill nifer o wobrau gan gynnwys y CWA Dagger am y Nofel Hanesyddol Orau, y Prix du Polar Européen, Gwobr Wilbur Smith am Ysgrifennu Antur a Gwobr Darllenwyr Cyhoeddi Amazon am E-lyfr y Flwyddyn. Ochr yn ochr â'i gyd-awdur, Vaseem Khan, mae hefyd yn cynnal podlediad poblogaidd Red Hot Chilli Writers, lle mae gwesteion arbennig o'r cyfryngau a llenyddiaeth yn ymuno bob pythefnos i fwrw golwg ar fyd llyfrau, ysgrifennu a'r celfyddydau creadigol.
Darllenydd Gwadd
Rachel Dawson (Digidol)
Mae Rachel Dawson yn awdur Cymraeg hoyw, dosbarth gweithiol. Neon Roses oedd ei nofel gyntaf a dyfarnwyd fwrsariaeth iddi gan Llenyddiaeth Cymru yn 2020, a’i galluogodd i’w ysgrifennu. Cyrhaeddodd Neon Roses restr fer Gwobr Llyfr y Flwyddyn 2024. Cafodd ei geni yn Abertawe ac mae wedi gwneud amrywiaeth o swyddi, gan gynnwys gwerthu rholiau selsig a dirgrynwyr (ddim ar yr un pryd), a gwirfoddoli i AS. Mae hi bellach yn gweithio yn y trydydd sector ac yn byw gyda’i gwraig yng Nghaerdydd.